hamare beach agarche raha nahin kuchh bhi

hamāre beach agarche rahā nahīñ kuchh bhī

magar ye dil hai abhī māntā nahīñ kuchh bhī

ham us ke ġham ko in āñkhoñ meñ le ke phirte haiñ

magar vo shaḳhs hameñ jāntā nahīñ kuchh bhī

ye kaisī dhuul sī rāhoñ meñ uḌtī phirtī hai

tū ai musāfir-e-jāñ kyā bachā nahīñ kuchh bhī

ham apne apne dil-o-jāñ kī ḳhair māñgte haiñ

ye ijz kuchh bhī nahīñ hai anā nahīñ kuchh bhī

bas ek manzar-e-ḳhālī maiñ uuñgh letā huuñ

vo ḳhush-nazar hai magar dekhtā nahīñ kuchh bhī

tū bol uThtā hai ham ko bhalā bhī lagtā hai

magar tū yaar mire sochtā nahīñ kuchh bhī

kahīñ pe ho ki na ho izzat-e-gunah-gārāñ

magar yahāñ koī tere sivā nahīñ kuchh bhī

gumāñ to ḳhair mohabbat kā thā par ab is se

ba-sū-e-rañj-talab vāsta nahīñ kuchh bhī

hamāre haal pe tum ko malāl tak bhī nahīñ

to kyā jo rabt hamārā thaa, thā nahīñ kuchh bhī

kabhī jo aao to ham ko jo tum se kahnī hai

yūñhī sī baat hai ab mudda.ā nahīñ kuchh bhī

hamare beach agarche raha nahin kuchh bhi

magar ye dil hai abhi manta nahin kuchh bhi

hum us ke gham ko in aankhon mein le ke phirte hain

magar wo shaKHs hamein jaanta nahin kuchh bhi

ye kaisi dhul si rahon mein uDti phirti hai

tu ai musafir-e-jaan kya bacha nahin kuchh bhi

hum apne apne dil-o-jaan ki KHair mangte hain

ye ijz kuchh bhi nahin hai ana nahin kuchh bhi

bas ek manzar-e-KHali main ungh leta hun

wo KHush-nazar hai magar dekhta nahin kuchh bhi

tu bol uThta hai hum ko bhala bhi lagta hai

magar tu yar mere sochta nahin kuchh bhi

kahin pe ho ki na ho izzat-e-gunah-garan

magar yahan koi tere siwa nahin kuchh bhi

guman to KHair mohabbat ka tha par ab is se

ba-su-e-ranj-talab wasta nahin kuchh bhi

hamare haal pe tum ko malal tak bhi nahin

to kya jo rabt hamara tha, tha nahin kuchh bhi

kabhi jo aao to hum ko jo tum se kahni hai

yunhi si baat hai ab muddaa nahin kuchh bhi