hamare darmiyan ahd-e-shab-e-mahtab zinda hai

hamāre darmiyāñ ahd-e-shab-e-mahtāb zinda hai

havā chupke se kahtī hai abhī ik ḳhvāb zinda hai

ye kis kī narm ḳhushbū hai mirī shab kī havelī meñ

ye kaisā raqs-e-mastī ai dil-e-betāb zinda hai

kahāñ vo sāñvlī shāmeñ kahāñ vo reshmī bāteñ

magar ik lams-e-hairāñ kā abhī zarnāb zinda hai

abhī tak pāniyoñ meñ surma.ī saa.e utarte haiñ

abhī tak dhaḌkanoñ meñ dard kī mizrāb zinda hai

sirāt-e-ishq hai aur hijr kī tanhā masāfat hai

vahī hai tishnagī phir bhī fareb-e-āb zinda hai

hamare darmiyan ahd-e-shab-e-mahtab zinda hai

hawa chupke se kahti hai abhi ek KHwab zinda hai

ye kis ki narm KHushbu hai meri shab ki haweli mein

ye kaisa raqs-e-masti ai dil-e-betab zinda hai

kahan wo sanwli shamen kahan wo reshmi baaten

magar ek lams-e-hairan ka abhi zarnab zinda hai

abhi tak paniyon mein surmai sae utarte hain

abhi tak dhaDkanon mein dard ki mizrab zinda hai

siraat-e-ishq hai aur hijr ki tanha masafat hai

wahi hai tishnagi phir bhi fareb-e-ab zinda hai