hamare dil ke aaine mein hai taswir nanak ki

hamāre dil ke ā.īne meñ hai tasvīr nānak kī

hamāre kaan ke parde meñ hai taqrīr nānak kī

tarīq-e-rāst se haT kar vo hargiz jā nahīñ saktā

paḌī hai paañv meñ jis shaḳhs kī zanjīr nānak kī

basar kī umr apnī gumrahoñ kī rahnumā.ī meñ

yahī thī roz-o-shab koshish bhī aur tadbīr nānak kī

musaḳhḳhar kar liyā har shaḳhs ko pand-o-nasīhat se

koī afsūñ thā yā taqrīr thī tāsīr nānak kī

kalām-e-pand meñ us ke asar thā āb-e-haivāñ kā

dil-e-murda ko zinda kartī thī taqrīr nānak kī

pasand-tab.a thī us kī nasīhat jumla-ālam ko

dahan meñ thī zabān-e-pāk par tāsīr nānak kī

jhukā de āstāñ par us ke tū bhī 'barq' sar apnā

hai darveshān-e-kāmil meñ baḌī tauqīr nānak kī

hamare dil ke aaine mein hai taswir nanak ki

hamare kan ke parde mein hai taqrir nanak ki

tariq-e-rast se haT kar wo hargiz ja nahin sakta

paDi hai panw mein jis shaKHs ki zanjir nanak ki

basar ki umr apni gumrahon ki rahnumai mein

yahi thi roz-o-shab koshish bhi aur tadbir nanak ki

musaKHKHar kar liya har shaKHs ko pand-o-nasihat se

koi afsun tha ya taqrir thi tasir nanak ki

kalam-e-pand mein us ke asar tha aab-e-haiwan ka

dil-e-murda ko zinda karti thi taqrir nanak ki

pasand-taba thi us ki nasihat jumla-alam ko

dahan mein thi zaban-e-pak par tasir nanak ki

jhuka de aastan par us ke tu bhi 'barq' sar apna

hai darweshan-e-kaamil mein baDi tauqir nanak ki