hamare dil mein machlegi kisi ki aarzu kab tak
hamāre dil meñ machlegī kisī kī aarzū kab tak
junūn-e-ishq meñ bhaTkeñge ham yuuñ kū-ba-kū kab tak
ye kyā manzil na aa.egī hamāre rū-ba-rū kab tak
raheñge dasht-e-ġhurbat meñ asīr-e-justajū kab tak
ġham-e-hastī kā bhī kuchh to mudāvā DhūñDhnā hogā
ġham-e-hastī miTā.eñge bhalā jām-o-subū kab tak
bahāroñ kī hai aamad kā jinheñ da.avā vo batlā.eñ
chaman meñ aa.egī āḳhir bahār-e-rañg-o-bū kab tak
balā-noshoñ ko aatā hai tarīq-e-zindagī nāseh
janāb-e-shaiḳh sīkheñge tarīq-e-guftugū kab tak
kabhī to aarzū bar aa.egī jāñbāz apnī bhī
bil-āḳhir apne ashkoñ se kareñge ham vuzū kab tak
hamare dil mein machlegi kisi ki aarzu kab tak
junun-e-ishq mein bhaTkenge hum yun ku-ba-ku kab tak
ye kya manzil na aaegi hamare ru-ba-ru kab tak
rahenge dasht-e-ghurbat mein asir-e-justaju kab tak
gham-e-hasti ka bhi kuchh to mudawa DhunDhna hoga
gham-e-hasti miTaenge bhala jam-o-subu kab tak
bahaaron ki hai aamad ka jinhen dawa wo batlaen
chaman mein aaegi aaKHir bahaar-e-rang-o-bu kab tak
bala-noshon ko aata hai tariq-e-zindagi naseh
janab-e-shaiKH sikhenge tariq-e-guftugu kab tak
kabhi to aarzu bar aaegi jaanbaz apni bhi
bil-aKHir apne ashkon se karenge hum wuzu kab tak
Source:
SAAZ-O-NAVA (Pg. 97)
-
- Publisher: Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.