hamare ishq ka anjam hum ko kya malum

hamāre ishq kā anjām ham ko kyā ma.alūm

sunā hai un ko ḳhabar hai magar ḳhudā-ma.alūm

vo bad-nasīb jo māñge to un se kyā māñge

duā kī jis ko ḳhabar ho na mudda.ā ma.alūm

na pūchh mujh se mire dard-e-dil kā haal na pūchh

ki ab to dard kā ehsās bhī hai lā-mā'lūm

rah-e-talab meñ agar hosh hai to sirf itnā

ki jā rahā huuñ magar kis taraf ḳhudā-ma.alūm

'sahar' karūñ to karūñ kyā ki dil se huuñ majbūr

vagarna ḳhabt-e-mohabbat kā fā.eda ma.alūm

hamare ishq ka anjam hum ko kya malum

suna hai un ko KHabar hai magar KHuda-malum

wo bad-nasib jo mange to un se kya mange

dua ki jis ko KHabar ho na muddaa malum

na puchh mujh se mere dard-e-dil ka haal na puchh

ki ab to dard ka ehsas bhi hai la-ma'lum

rah-e-talab mein agar hosh hai to sirf itna

ki ja raha hun magar kis taraf KHuda-malum

'sahar' karun to karun kya ki dil se hun majbur

wagarna KHabt-e-mohabbat ka faeda malum