hamare qaul o amal mein tazad kitna hai

hamāre qaul o amal meñ tazād kitnā hai

magar ye dil hai ki ḳhush-e'tiqād kitnā hai

ki jaise rañg hī le aa.egā lahū apnā

vafā pe apnī hameñ e'timād kitnā hai

ye jāntā hai ki va.ada-shikan hai vo phir bhī

dil us ke vāda-e-fardā pe shaad kitnā hai

vo jis ne mujh ko farāmosh kar diyā yaksar

vo shaḳhs mujh ko magar ab bhī yaad kitnā hai

hai ab to saare marāsim kā inhisār us par

kisī kī zaat se ham ko mafād kitnā hai

har ek soch hai ālūda-e-havas yaaro

ragoñ meñ qatra-e-ḳhūñ kā fasād kitnā hai

hai yuuñ to mere raqīboñ meñ iḳhtilāf bahut

mire ḳhilāf magar ittihād kitnā hai

hamare qaul o amal mein tazad kitna hai

magar ye dil hai ki KHush-e'tiqad kitna hai

ki jaise rang hi le aaega lahu apna

wafa pe apni hamein e'timad kitna hai

ye jaanta hai ki wada-shikan hai wo phir bhi

dil us ke wada-e-farda pe shad kitna hai

wo jis ne mujh ko faramosh kar diya yaksar

wo shaKHs mujh ko magar ab bhi yaad kitna hai

hai ab to sare marasim ka inhisar us par

kisi ki zat se hum ko mafad kitna hai

har ek soch hai aaluda-e-hawas yaro

ragon mein qatra-e-KHun ka fasad kitna hai

hai yun to mere raqibon mein iKHtilaf bahut

mere KHilaf magar ittihad kitna hai