hamare sanehe hum ko suna rahe kyun ho

hamāre sānihe ham ko sunā rahe kyuuñ ho

tum itnā bojh bhī dil par uThā rahe kyuuñ ho

tumhārī chhāñv meñ baiThe uThā diyā tum ne

phir ab pukār ke vāpas bulā rahe kyuuñ ho

jo baat sab se chhupā.ī thī umr bhar ham ne

vo baat saare jahāñ ko batā rahe kyuuñ ho

jab ek pal bhī guzarnā muhāl hotā hai

phir itnī der bhī ham se judā rahe kyuuñ ho

tumhārī aañkh meñ aañsū dikhā.ī dete haiñ

tum itnī zor se hañs ke chhupā rahe kyuuñ ho

jo kar liyā hai judā.ī kā faisla tum ne

to ye fuzūl bahāne banā rahe kyuuñ ho

na jaane kis liye āñkhoñ meñ aa ga.e aañsū

zarā sī baat ko itnā baḌhā rahe kyuuñ ho

hamare sanihe hum ko suna rahe kyun ho

tum itna bojh bhi dil par uTha rahe kyun ho

tumhaari chhanw mein baiThe uTha diya tum ne

phir ab pukar ke wapas bula rahe kyun ho

jo baat sab se chhupai thi umr bhar hum ne

wo baat sare jahan ko bata rahe kyun ho

jab ek pal bhi guzarna muhaal hota hai

phir itni der bhi hum se juda rahe kyun ho

tumhaari aankh mein aansu dikhai dete hain

tum itni zor se hans ke chhupa rahe kyun ho

jo kar liya hai judai ka faisla tum ne

to ye fuzul bahane bana rahe kyun ho

na jaane kis liye aankhon mein aa gae aansu

zara si baat ko itna baDha rahe kyun ho