hamare sath phir dhoka hua hai

hamāre saath phir dhokā huā hai

ye manzar bārhā dekhā huā hai

musāfir ab ye kis ke muntazir haiñ

safar kis ke liye rokā huā hai

javāb aaya ki vo ghar meñ nahīñ hai

magar vo ghar hī meñ soyā huā hai

na kuchh rishta na koī us se va.ada

mirī ḳhātir vo kyoñ Thahrā huā hai

jo bologe to hāroge yaqīnan

ki chup rahne kā hī saudā huā hai

hamare sath phir dhoka hua hai

ye manzar barha dekha hua hai

musafir ab ye kis ke muntazir hain

safar kis ke liye roka hua hai

jawab aaya ki wo ghar mein nahin hai

magar wo ghar hi mein soya hua hai

na kuchh rishta na koi us se wada

meri KHatir wo kyon Thahra hua hai

jo bologe to haaroge yaqinan

ki chup rahne ka hi sauda hua hai