hamari aql-e-be-tadbir par tadbir hansti hai
hamari aql-e-be-tadbir par tadbir hansti hai
Shaikh Zahuruddin Hatim
MORE BYShaikh Zahuruddin Hatim
hamārī aql-e-be-tadbīr par tadbīr hañstī hai
agar tadbīr ham karte haiñ to taqdīr hañstī hai
asīroñ kā nahīñ kuchh shor-o-ġhul ye aaj zindāñ meñ
mire dīvāna-pan ko dekh kar zanjīr hañstī hai
kabhū pahuñchī na is ke dil talak rah hī meñ thak baiThī
bajā us āh-e-be-tāsīr par tāsīr hañstī hai
tū sūrat us kī kyā khīñgā apnī dekh to sūrat
musavvir is tirī tasvīr par tasvīr hañstī hai
vahī hai mard jo ho rū-ba-rū tarvār ke 'hātim'
ki muñh ke pherte nāmard par shamshīr hañstī hai
hamari aql-e-be-tadbir par tadbir hansti hai
agar tadbir hum karte hain to taqdir hansti hai
asiron ka nahin kuchh shor-o-ghul ye aaj zindan mein
mere diwana-pan ko dekh kar zanjir hansti hai
kabhu pahunchi na is ke dil talak rah hi mein thak baiThi
baja us aah-e-be-tasir par tasir hansti hai
tu surat us ki kya khinga apni dekh to surat
musawwir is teri taswir par taswir hansti hai
wahi hai mard jo ho ru-ba-ru tarwar ke 'hatim'
ki munh ke pherte namard par shamshir hansti hai
Source:
Diwan-e-Zadah (Pg. 319)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
