hamari qurbaton mein fasla na rah jae

hamārī qurbatoñ meñ fāsla na rah jaa.e

qadam se lipTā huā rāsta na rah jaa.e

havā-e-vahshat-e-dil tez chal rahī hai bahut

ridā-e-hijr mirā sar khulā na rah jaa.e

ḳhudā ke naam pe jis tarah log mar rahe haiñ

duā karo ki akelā ḳhudā na rah jaa.e

ye log kis liye apne tavāf meñ haiñ magan

sanam-kade meñ musallā bichhā na rah jaa.e

tanābeñ kaaT rahā hai vo ḳhvāhishoñ kī mirī

kahīñ pe dasht meñ ḳhema lagā na rah jaa.e

ye lamha lamha jo ham jām-e-hijr pī rahe haiñ

to tishnagī kā salīqa dharā na rah jaa.e

mujāvirān-e-adab ik nazar ināyat kī

ġhazal kī shakl meñ katba lagā na rah jaa.e

hamari qurbaton mein fasla na rah jae

qadam se lipTa hua rasta na rah jae

hawa-e-wahshat-e-dil tez chal rahi hai bahut

rida-e-hijr mera sar khula na rah jae

KHuda ke nam pe jis tarah log mar rahe hain

dua karo ki akela KHuda na rah jae

ye log kis liye apne tawaf mein hain magan

sanam-kade mein musalla bichha na rah jae

tanaben kaT raha hai wo KHwahishon ki meri

kahin pe dasht mein KHema laga na rah jae

ye lamha lamha jo hum jam-e-hijr pi rahe hain

to tishnagi ka saliqa dhara na rah jae

mujaviran-e-adab ek nazar inayat ki

ghazal ki shakl mein katba laga na rah jae