hamari tishna-labi ab subu se khelegi

hamārī tishna-labī ab subū se khelegī

fuġhān-e-dil rag-e-jān-o-gulū se khelegī

sambhal ke rahnā ki is baar saiqal-e-abrū

koī ba.iid nahīñ aabrū se khelegī

karegā sail har ik lahr ko buland apnī

har ek mauj faqat aabjū se khelegī

jasārat-e-rah-e-pur-ḳhār dekhiye to sahī

ye kah rahī hai mirī justujū se khelegī

bahut shagufta-o-rañgīn guftugū hai 'sirāj'

chaman meñ baat tirī rañg-o-bū se khelegī

hamari tishna-labi ab subu se khelegi

fughan-e-dil rag-e-jaan-o-gulu se khelegi

sambhal ke rahna ki is bar saiqal-e-abru

koi baid nahin aabru se khelegi

karega sail har ek lahr ko buland apni

har ek mauj faqat aabju se khelegi

jasarat-e-rah-e-pur-KHar dekhiye to sahi

ye kah rahi hai meri justuju se khelegi

bahut shagufta-o-rangin guftugu hai 'siraj'

chaman mein baat teri rang-o-bu se khelegi