hamein ab hijr us ka khal raha hai kya kiya jae

hameñ ab hijr us kā khal rahā hai kyā kiyā jaa.e

jo vā'da vasl kā thā Tal rahā hai kyā kiyā jaa.e

kabhī jis kī badaulat ham ko sab ādāb karte the

bulandī kā vo sūraj Dhal rahā hai kyā kiyā jaa.e

tirī pyārī sī sūrat ko basāte dil ke mandir meñ

magar tū aañkh se ojhal rahā hai kyā kiyā jaa.e

maiñ saarī hasratoñ ko dafn to kar aayā huuñ lekin

tumhārā ḳhvāb dil meñ pal rahā hai kyā kiyā jaa.e

na rāvan hai kahānī meñ na siitā zindagānī meñ

magar banvās phir bhī chal rahā hai kyā kiyā jaa.e

hamein ab hijr us ka khal raha hai kya kiya jae

jo wa'da wasl ka tha Tal raha hai kya kiya jae

kabhi jis ki badaulat hum ko sab aadab karte the

bulandi ka wo suraj Dhal raha hai kya kiya jae

teri pyari si surat ko basate dil ke mandir mein

magar tu aankh se ojhal raha hai kya kiya jae

main sari hasraton ko dafn to kar aaya hun lekin

tumhaara KHwab dil mein pal raha hai kya kiya jae

na rawan hai kahani mein na sita zindagani mein

magar banwas phir bhi chal raha hai kya kiya jae