hamein apni masafat be-maza karna nahin hai
hameñ apnī masāfat be-maza karnā nahīñ hai
safar karnā hai manzil kā pata karnā nahīñ hai
balā se ham kisī sāhil pe pahuñcheñ yā na pahuñcheñ
kisī bhī nāḳhudā ko ab ḳhudā karnā nahīñ hai
havāoñ se hī qaa.em hai hamārī zau-fishānī
havāoñ se charāġhoñ ko judā karnā nahīñ hai
badalte vaqt ke tevar parakhnā chāhte haiñ
kahā kis ne buzurgoñ kā kahā karnā nahīñ hai
tumhīñ zāmin ho merī zindagī ke mere ḳhvābo
tumheñ ik pal bhī āñkhoñ se rihā karnā nahīñ hai
ka.ī āshufta-sar mil jā.eñge raste meñ 'ālam'
kisī ke vāste ham ko sadā karnā nahīñ hai
hamein apni masafat be-maza karna nahin hai
safar karna hai manzil ka pata karna nahin hai
bala se hum kisi sahil pe pahunchen ya na pahunchen
kisi bhi naKHuda ko ab KHuda karna nahin hai
hawaon se hi qaem hai hamari zau-fishani
hawaon se charaghon ko juda karna nahin hai
badalte waqt ke tewar parakhna chahte hain
kaha kis ne buzurgon ka kaha karna nahin hai
tumhin zamin ho meri zindagi ke mere KHwabo
tumhein ek pal bhi aankhon se riha karna nahin hai
kai aashufta-sar mil jaenge raste mein 'alam'
kisi ke waste hum ko sada karna nahin hai
Source:
Khayalabad (Pg. 91)
- Author: Alam khursheed
-
- Edition: 2003
- Publisher: Alam khursheed
- Year of Publication: 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
