hamein bhi aa gaya aaKHir kisi gham ko chhupa dena

hameñ bhī aa gayā āḳhir kisī ġham ko chhupā denā

koī dil kī agar pūchhe zarā sā muskurā denā

maiñ apne dil meñ rakhtī huuñ mohabbat karne vāloñ ko

kabhī sīkhā nahīñ maiñ ne nagīnoñ ko gañvā denā

agar ḳhālī huuñ donoñ haath bhī phailā nahīñ saktī

ki jo ḳhud hī savālī ho mujhe phir us ne kyā denā

kisī kī pyaas ne samjhā diyā hai zindagī karnā

kabhī zaḳhmoñ pe lab rakhnā kabhī aañsū bahā denā

kisī kī yaad kā dīpak agar bujhne lage jānam

mire so.e hue zaḳhmoñ ko Thokar se jagā denā

hamāre pyaar kā sūraj agar ab Duub bhī jaa.e

mire hisse kī kirnoñ ko kisī dil meñ chhupā denā

hamein bhi aa gaya aaKHir kisi gham ko chhupa dena

koi dil ki agar puchhe zara sa muskura dena

main apne dil mein rakhti hun mohabbat karne walon ko

kabhi sikha nahin main ne naginon ko ganwa dena

agar KHali hun donon hath bhi phaila nahin sakti

ki jo KHud hi sawali ho mujhe phir us ne kya dena

kisi ki pyas ne samjha diya hai zindagi karna

kabhi zaKHmon pe lab rakhna kabhi aansu baha dena

kisi ki yaad ka dipak agar bujhne lage jaanam

mere soe hue zaKHmon ko Thokar se jaga dena

hamare pyar ka suraj agar ab Dub bhi jae

mere hisse ki kirnon ko kisi dil mein chhupa dena