hamein jab apna taaruf karana paDta hai
hameñ jab apnā ta.āruf karānā paḌtā hai
na jaane kitne dukhoñ ko dabānā paḌtā hai
bahut se hañste huoñ ko lagā ke rone par
bahut se rote ho.uuñ ko hañsānā paḌtā hai
kisī ko niiñd na aatī ho raushnī meñ agar
to ḳhud charāġh-e-mohabbat bujhānā paḌtā hai
kisī ke qurb kī ḳhvāhish meñ yuuñ bhī hotā hai
ki umr-bhar ke liye duur jaanā paḌtā hai
ġhazāl-e-husn ko ghar chāhiye par us ke liye
ḳhud apne aap ko sahrā banānā paḌtā hai
tum is taraf se jo guzro to itnā yaad rahe
ki is navāh meñ ham sā divāna paḌtā hai
kisī sadā pe bhī jaate nahīñ miyāñ 'ehsās'
par āñsuoñ ke bulāve pe jaanā paḌtā hai
ab aa rahā ho koī husn us tasavvuf se
to ham ko halqa-e-bai.at baḌhānā paḌtā hai
ḳhudā hai qādir-e-mutlaq ye baat khultī hai tab
jab us se kaam koī kāfirāna paḌtā hai
bahut ziyāda haiñ ḳhatre badan kī mahfil meñ
par apnī ek hī mahfil hai jaanā paḌtā hai
hamāre paas yahī shā.irī kā sikka hai
ulaT-palaT ke isī ko chalānā paḌtā hai
ajiib tarz-e-taġhazzul hai ye miyāñ 'ehsās'
ki jism-o-rūh ko ik saath gaanā paḌtā hai
hamein jab apna taaruf karana paDta hai
na jaane kitne dukhon ko dabana paDta hai
bahut se hanste huon ko laga ke rone par
bahut se rote houn ko hansana paDta hai
kisi ko nind na aati ho raushni mein agar
to KHud charagh-e-mohabbat bujhana paDta hai
kisi ke qurb ki KHwahish mein yun bhi hota hai
ki umr-bhar ke liye dur jaana paDta hai
ghazal-e-husn ko ghar chahiye par us ke liye
KHud apne aap ko sahra banana paDta hai
tum is taraf se jo guzro to itna yaad rahe
ki is nawah mein hum sa diwana paDta hai
kisi sada pe bhi jate nahin miyan 'ehsas'
par aansuon ke bulawe pe jaana paDta hai
ab aa raha ho koi husn us tasawwuf se
to hum ko halqa-e-baiat baDhana paDta hai
KHuda hai qadir-e-mutlaq ye baat khulti hai tab
jab us se kaam koi kafirana paDta hai
bahut ziyaada hain KHatre badan ki mahfil mein
par apni ek hi mahfil hai jaana paDta hai
hamare pas yahi shairi ka sikka hai
ulaT-palaT ke isi ko chalana paDta hai
ajib tarz-e-taghazzul hai ye miyan 'ehsas'
ki jism-o-ruh ko ek sath gana paDta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.