hamein KHabar nahin kuchh kaun hai kahan koi hai

Abrar Ahmad

hamein KHabar nahin kuchh kaun hai kahan koi hai

Abrar Ahmad

MORE BYAbrar Ahmad

    hameñ ḳhabar nahīñ kuchh kaun hai kahāñ koī hai

    hamesha shaad ho ābād ho jahāñ koī hai

    jagah na chhoḌe ki sail-e-balā hai tez bahut

    uḌā paḌā rahe ab jahāñ tahāñ koī hai

    fishār-e-girya kisī taur be-maqām nahīñ

    dayār-e-ġham hai kahīñ par pas-e-fuġhāñ koī hai

    vo koī ḳhadsha hai vahm-e-ḳhvāb hai ki ḳhayāl

    ki ho na ho mire dil apne darmiyāñ koī hai

    kabhī to aisā hai jaise kahīñ pe kuchh bhī nahīñ

    kabhī ye lagtā hai jaise yahāñ vahāñ koī hai

    kabhī kabhī to ye lagtā hai fard fard haiñ ham

    ye aur baat hamārā bhī kārvāñ koī hai

    kahīñ pahuñchnā nahīñ hai use magar phir bhī

    misāl-e-bād-e-bahārāñ ravāñ-davāñ koī hai

    huā hai apne safar se hazar se begāna

    vahīñ vahīñ pe nahīñ hai jahāñ jahāñ koī hai

    chhalak jo uThtī hai ye aañkh fart-e-vasl meñ bhī

    to sarḳhushī meñ abhī ranj-e-rā.egāñ koī hai

    shikast-e-dil hai to kyā rāh-e-ishq tark na kar

    ye dekh kyā kahīñ parvarda-e-ziyāñ koī hai

    ab us nigāh-e-fusūñ-kār qusūr hai kyā

    hameñ dikhāo agar zaḳhm nishāñ koī hai

    kahīñ pe aaj bhī vo ghar hai hañstā bastā huā

    ye vahm hai tire dil ko gumāñ koī hai

    javār-e-qarya-e-yārāñ meñ nikaltā huuñ

    ki jaise ab bhī vahīñ merā mehrbāñ koī hai

    hamein KHabar nahin kuchh kaun hai kahan koi hai

    hamesha shad ho aabaad ho jahan koi hai

    jagah na chhoDe ki sail-e-bala hai tez bahut

    uDa paDa hi rahe ab jahan tahan koi hai

    fishaar-e-girya kisi taur be-maqam nahin

    dayar-e-gham hai kahin par pas-e-fughan koi hai

    wo koi KHadsha hai ya wahm-e-KHwab hai ki KHayal

    ki ho na ho mere dil apne darmiyan koi hai

    kabhi to aisa hai jaise kahin pe kuchh bhi nahin

    kabhi ye lagta hai jaise yahan wahan koi hai

    kabhi kabhi to ye lagta hai fard fard hain hum

    ye aur baat hamara bhi karwan koi hai

    kahin pahunchna nahin hai use magar phir bhi

    misal-e-baad-e-bahaaran rawan-dawan koi hai

    hua hai apne safar se hazar se begana

    wahin wahin pe nahin hai jahan jahan koi hai

    chhalak jo uThti hai ye aankh fart-e-wasl mein bhi

    to sarKHushi mein abhi ranj-e-raegan koi hai

    shikast-e-dil hai to kya rah-e-ishq tark na kar

    ye dekh kya kahin parwarda-e-ziyan koi hai

    ab us nigah-e-fusun-kar ka qusur hai kya

    hamein dikhao agar zaKHm ka nishan koi hai

    kahin pe aaj bhi wo ghar hai hansta basta hua

    ye wahm sa hai tere dil ko ya guman koi hai

    jawar-e-qarya-e-yaran mein ja nikalta hun

    ki jaise ab bhi wahin mera mehrban koi hai

    RECITATIONS

    Nomaan Shauque

    Nomaan Shauque,

    Nomaan Shauque

    hamein KHabar nahin kuchh kaun hai kahan koi hai Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now