hamein nazdik kab dil ki mohabbat khinch lati hai

Arif Shafiq

hamein nazdik kab dil ki mohabbat khinch lati hai

Arif Shafiq

MORE BYArif Shafiq

    hameñ nazdīk kab dil mohabbat khīñch laatī hai

    tujhe terī mujhe merī zarūrat khīñch laatī hai

    chhupā hai jo ḳhazāna tah meñ in banjar zamīnoñ

    use bāhar zamīñ se merī mehnat khīñch laatī hai

    maiñ maazī ko bhulā kar apne mustaqbil meñ zinda huuñ

    nigāhoñ se hai jo ojhal bashārat khīñch laatī hai

    mirā dushman mirī āñkhoñ se ojhal ho nahīñ saktā

    mire nazdīk us ko dil nafrat khīñch laatī hai

    samundar paar jaane vaale ik dan lauT ā.eñge

    mirā īmāñ hai miTTī mohabbat khīñch laatī hai

    jo apnā ghar kisī ke ishq meñ barbād karte haiñ

    unheñ sahrā meñ un ke dil vahshat khīñch laatī hai

    kabhī hotā hai jo vīrān mere shahr maqtal

    kisī mansūr ko 'ārif' sadāqat khīñch laatī hai

    hamein nazdik kab dil ki mohabbat khinch lati hai

    tujhe teri mujhe meri zarurat khinch lati hai

    chhupa hai jo KHazana tah mein in banjar zaminon ki

    use bahar zamin se meri mehnat khinch lati hai

    main mazi ko bhula kar apne mustaqbil mein zinda hun

    nigahon se hai jo ojhal bashaarat khinch lati hai

    mera dushman meri aankhon se ojhal ho nahin sakta

    mere nazdik us ko dil ki nafrat khinch lati hai

    samundar par jaane wale ek dan lauT aaenge

    mera iman hai miTTi ki mohabbat khinch lati hai

    jo apna ghar kisi ke ishq mein barbaad karte hain

    unhen sahra mein un ke dil ki wahshat khinch lati hai

    kabhi hota hai jo viran mere shahr ka maqtal

    kisi mansur ko 'arif' sadaqat khinch lati hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY