hamein nit asir-e-bala chahta hai

hameñ nit asīr-e-balā chāhtā hai

hamārī ḳhushī kab ḳhudā chāhtā hai

shab o roz royā kareñ ḳhuun āñkheñ

yahī to vo rañg-e-hinā chāhtā hai

vo kartā hai apne hī jī meñ burā.ī

kisī kā koī gar burā chāhtā hai

dilā baiTh rah rakh ke dandāñ jigar par

tavakkul kā gar tū mazā chāhtā hai

ise aap se dhyān aane kā tere

vo gul tujh ko bād-e-sabā chāhtā hai

mire ustuḳhāñ se bhī hai us ko nafrat

mare faaqa kar ke humā chāhtā hai

nahīñ ḳhvāhish us kī khulī ham pe ab tak

vo kyā māñgtā hai vo kyā chāhtā hai

magar ye ki in rozoñ phir 'mus.hafī' ko

tire ġham meñ saudā huā chāhtā hai

hamein nit asir-e-bala chahta hai

hamari KHushi kab KHuda chahta hai

shab o roz roya karen KHun aankhen

yahi to wo rang-e-hina chahta hai

wo karta hai apne hi ji mein burai

kisi ka koi gar bura chahta hai

dila baiTh rah rakh ke dandan jigar par

tawakkul ka gar tu maza chahta hai

ise aap se dhyan aane ka tere

wo gul tujh ko baad-e-saba chahta hai

mere ustuKHan se bhi hai us ko nafrat

mare faqa kar ke huma chahta hai

nahin KHwahish us ki khuli hum pe ab tak

wo kya mangta hai wo kya chahta hai

magar ye ki in rozon phir 'mushafi' ko

tere gham mein sauda hua chahta hai