hamein to ek hi chehra dikhai deta hai

hameñ to ek hī chehra dikhā.ī detā hai

jise bhī dekhiye apnā dikhā.ī detā hai

ye kis ne aise ujāloñ kī aarzū kī thī

har ek ghar yahāñ jaltā dikhā.ī detā hai

na.ī sahar ne ujāle janam diye haiñ magar

ye ḳhvāb phir bhī adhūrā dikhā.ī detā hai

yahāñ jo bāñTtā phirtā hai tishnagī kā bharam

mujhe to ḳhud bhī vo pyāsā dikhā.ī detā hai

talāsh hai mujhe us mehrbāñ kī muddat se

jo mahfiloñ meñ bhī tanhā dikhā.ī detā hai

dhuāñ hai jalte hue ghar sulagte nazzāre

maiñ kyā batā.ūñ ki kyā kyā dikhā.ī detā hai

ise bhī kījiye apne giroh meñ shāmil

ye shaḳhs apne hī jaisā dikhā.ī detā hai

ye kaisī aag meñ ham log jal rahe haiñ 'ra.īs'

har ik vajūd pighaltā dikhā.ī detā hai

hamein to ek hi chehra dikhai deta hai

jise bhi dekhiye apna dikhai deta hai

ye kis ne aise ujalon ki aarzu ki thi

har ek ghar yahan jalta dikhai deta hai

nai sahar ne ujale janam diye hain magar

ye KHwab phir bhi adhura dikhai deta hai

yahan jo banTta phirta hai tishnagi ka bharam

mujhe to KHud bhi wo pyasa dikhai deta hai

talash hai mujhe us mehrban ki muddat se

jo mahfilon mein bhi tanha dikhai deta hai

dhuan hai jalte hue ghar sulagte nazzare

main kya bataun ki kya kya dikhai deta hai

ise bhi kijiye apne giroh mein shamil

ye shaKHs apne hi jaisa dikhai deta hai

ye kaisi aag mein hum log jal rahe hain 'rais'

har ek wajud pighalta dikhai deta hai