hamein tum pe guman-e-wahshat tha hum logon ko ruswa kiya tumne

Ibn e Insha

hamein tum pe guman-e-wahshat tha hum logon ko ruswa kiya tumne

Ibn e Insha

MORE BY Ibn e Insha

    hameñ tum pe gumān-e-vahshat thā ham logoñ ko rusvā kiyā tum ne

    abhī fasl guloñ nahīñ guzrī kyuuñ dāman-e-chāk siyā tum ne

    is shahr ke log baḌe saḳhī baḌā maan kareñ durveshoñ

    par tum se to itne barham haiñ kyā aan ke maañg liyā tum ne

    kin rāhoñ se ho kar aa.ī ho kis gul sandesa laa.ī ho

    ham baaġh meñ ḳhush ḳhush baiThe the kyā kar diyā aa ke sabā tum ne

    vo jo qais ġharīb the un junūñ sabhī kahte haiñ ham se rahā hai fuzūñ

    hameñ dekh ke hañs to diyā tum ne kabhī dekhe haiñ ahl-e-vafā tum ne

    ġham-e-ishq meñ kaarī davā na duā ye hai rog kaThin ye hai dard burā

    ham karte jo apne se ho saktā kabhī ham se bhī kuchh na kahā tum ne

    ab rah-rav-e-māñda se kuchh na kaho haañ shaad raho ābād raho

    baḌī der se yaad kiyā tum ne baḌī dard se hai sadā tum ne

    ik baat kaheñge 'inshā'-jī tumheñ reḳhta kahte umr huī

    tum ek jahāñ ilm paḌhe koī 'mīr' sher kahā tum ne

    hamein tum pe guman-e-wahshat tha hum logon ko ruswa kiya tum ne

    abhi fasl gulon ki nahin guzri kyun daman-e-chaak siya tum ne

    is shahr ke log baDe hi saKHi baDa man karen durweshon ka

    par tum se to itne barham hain kya aan ke mang liya tum ne

    kin rahon se ho kar aai ho kis gul ka sandesa lai ho

    hum bagh mein KHush KHush baiThe the kya kar diya aa ke saba tum ne

    wo jo qais gharib the un ka junun sabhi kahte hain hum se raha hai fuzun

    hamein dekh ke hans to diya tum ne kabhi dekhe hain ahl-e-wafa tum ne

    gham-e-ishq mein kari dawa na dua ye hai rog kaThin ye hai dard bura

    hum karte jo apne se ho sakta kabhi hum se bhi kuchh na kaha tum ne

    ab rah-raw-e-manda se kuchh na kaho han shad raho aabaad raho

    baDi der se yaad kiya tum ne baDi dard se di hai sada tum ne

    ek baat kahenge 'insha'-ji tumhein reKHta kahte umr hui

    tum ek jahan ka ilm paDhe koi 'mir' sa sher kaha tum ne

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites