hamein wafa ke taqazon ka ehtiram rahe
hameñ vafā ke taqāzoñ kā ehtirām rahe
hamāre lab pe faqat aap hī kā naam rahe
jo be-usūl the vo mohtaram kabhī na hue
jo bā-usūl the vo hī ba-ehtirām rahe
mohabbatoñ ke safar meñ hamāre saath chalo
jo chāhte ho jahāñ meñ tumhārā naam rahe
jo bhiik māñgte phirte the shahr meñ kal tak
amīr-e-shahr kī saf meñ vo tez-gām rahe
jo ḳhvāhishoñ kī salāḳheñ na toḌ paa.e 'ziyā'
ġhulām hī unheñ rahnā thā vo ġhulām rahe
hamein wafa ke taqazon ka ehtiram rahe
hamare lab pe faqat aap hi ka nam rahe
jo be-usul the wo mohtaram kabhi na hue
jo ba-usul the wo hi ba-ehtiram rahe
mohabbaton ke safar mein hamare sath chalo
jo chahte ho jahan mein tumhaara nam rahe
jo bhik mangte phirte the shahr mein kal tak
amir-e-shahr ki saf mein wo tez-gam rahe
jo KHwahishon ki salaKHen na toD pae 'ziya'
ghulam hi unhen rahna tha wo ghulam rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
