hamesha dil hawas-e-intiqam par rakkha

hamesha dil havas-e-intiqām par rakkhā

ḳhud apnā naam bhī dushman ke naam par rakkhā

vo bādshāh-e-firāq-o-visāl hai us ne

jo baar sab pa girāñ thā ġhulām par rakkhā

kiye haiñ sab ko atā us ne ohda o mansab

mujhe bhī sīna-ḳharāshī ke kaam par rakkhā

koī savār uThā hai pas-e-ġhubār-e-fanaā

qazā ne haath kulāh o niyām par rakkhā

kisī ne be-sar-o-pā.ī ke bāvajūd mujhe

zamīn-e-sajda o arz-e-qayām par rakkhā

hamesha dil hawas-e-intiqam par rakkha

KHud apna nam bhi dushman ke nam par rakkha

wo baadshah-e-firaq-o-visal hai us ne

jo bar sab pa giran tha ghulam par rakkha

kiye hain sab ko ata us ne ohda o mansab

mujhe bhi sina-KHarashi ke kaam par rakkha

koi sawar uTha hai pas-e-ghubar-e-fanaa

qaza ne hath kulah o niyam par rakkha

kisi ne be-sar-o-pai ke bawajud mujhe

zamin-e-sajda o arz-e-qayam par rakkha