hamesha KHush-bayani mein raha hai
hamesha ḳhush-bayānī meñ rahā hai
qalam merā ravānī meñ rahā hai
mohabbat ke manāzir kaT ga.e haiñ
bhalā ab kyā kahānī meñ rahā hai
tumhārā rind pyāsā yaad rakhnā
tumhārī mezbānī meñ rahā hai
hamāre saath thā sahrā meñ majnūñ
pata hai kitne paanī meñ rahā hai
'sha'ūr' ab jā rahā hai roknā mat
bahut din dār-e-fānī meñ rahā hai
hamesha KHush-bayani mein raha hai
qalam mera rawani mein raha hai
mohabbat ke manazir kaT gae hain
bhala ab kya kahani mein raha hai
tumhaara rind pyasa yaad rakhna
tumhaari mezbani mein raha hai
hamare sath tha sahra mein majnun
pata hai kitne pani mein raha hai
'sha'ur' ab ja raha hai rokna mat
bahut din dar-e-fani mein raha hai
- Book : Ab Main Aksar Main Nahi Rehta (Pg. 47)
- Author : Anwar Shaoor
- Publication : Rekhta Publications (2024)
- Edition : 3rd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
