hamesha warghalate ho KHuda ghaarat kare tumko

hamesha varġhalāte ho ḳhudā ġhārat kare tum ko

hamārā dil dukhāte ho ḳhudā ġhārat kare tum ko

ye kyā tarz-e-mohabbat hai murādeñ ġhair ko lekin

hameñ ullū banāte ho ḳhudā ġhārat kare tum ko

adū ko pesh karte ho sharāb-e-añgbīñ jānam

hameñ talchhaT pilāte ho ḳhudā ġhārat kare tum ko

tumheñ hai ġhair se chāhat kahe kuchh bhī vo karte ho

pe ham ko āzmāte ho ḳhudā ġhārat kare tum ko

use bose hameñ lāteñ use va.ade hameñ ghāteñ

ye kaise gul khilāte ho ḳhudā ġhārat kare tum ko

agar kahnā ho kuchh ham se hamesha ghuur kar dekho

adū par muskurāte ho ḳhudā ġhārat kare tum ko

nazar mujh par jamāte ho pe dekho ġhair kī jānib

ye kyā chakkar chalāte ho ḳhudā ġhārat kare tum ko

mirā qasr-e-tamannā toḌ kar 'anvar' magar ab kyoñ

na.e sapne dikhāte ho ḳhudā ġhārat kare tum ko

hamesha warghalate ho KHuda ghaarat kare tum ko

hamara dil dukhate ho KHuda ghaarat kare tum ko

ye kya tarz-e-mohabbat hai muraden ghair ko lekin

hamein ullu banate ho KHuda ghaarat kare tum ko

adu ko pesh karte ho sharab-e-angbin jaanam

hamein talchhaT pilate ho KHuda ghaarat kare tum ko

tumhein hai ghair se chahat kahe kuchh bhi wo karte ho

pe hum ko aazmate ho KHuda ghaarat kare tum ko

use bose hamein laten use wade hamein ghaten

ye kaise gul khilate ho KHuda ghaarat kare tum ko

agar kahna ho kuchh hum se hamesha ghur kar dekho

adu par muskuraate ho KHuda ghaarat kare tum ko

nazar mujh par jamate ho pe dekho ghair ki jaanib

ye kya chakkar chalate ho KHuda ghaarat kare tum ko

mera qasr-e-tamanna toD kar 'anwar' magar ab kyon

nae sapne dikhate ho KHuda ghaarat kare tum ko