hamesha zulm ke manzar hamein dikhae gae

hamesha zulm ke manzar hameñ dikhā.e ga.e

pahāḌ toḌe ga.e aur mahal banā.e ga.e

tulū-e-sub.h kī afvāh itnī aam huī

ki nisf shab ko gharoñ ke diye bujhā.e ga.e

ab ek baar to qudrat javāb-dah Thahre

hazār baar ham insān āzmā.e ga.e

falak kā tantana bhī TuuT kar zamīñ pe girā

sutūn ek gharauñde ke jab girā.e ga.e

tirī ḳhudā.ī meñ shāmil agar nasheb bhī haiñ

to phir kalīm sar-e-tūr kyuuñ bulā.e ga.e

ye āsmāñ the ki ā.īne the ḳhalāoñ meñ

mah-o-nujūm meñ jhāñkā to ham hī paa.e ga.e

darāz-e-shab meñ koī apnā ham-safar hī na thā

magar 'nadīm' sadā.eñ to ham lagā.e ga.e

hamesha zulm ke manzar hamein dikhae gae

pahaD toDe gae aur mahal banae gae

tulu-e-subh ki afwah itni aam hui

ki nisf shab ko gharon ke diye bujhae gae

ab ek bar to qudrat jawab-dah Thahre

hazar bar hum insan aazmae gae

falak ka tantana bhi TuT kar zamin pe gira

sutun ek gharaunde ke jab girae gae

teri KHudai mein shamil agar nasheb bhi hain

to phir kalim sar-e-tur kyun bulae gae

ye aasman the ki aaine the KHalaon mein

mah-o-nujum mein jhanka to hum hi pae gae

daraaz-e-shab mein koi apna ham-safar hi na tha

magar 'nadim' sadaen to hum lagae gae