hamrah lutf-e-chashm-e-gurezan bhi aaegi

Zaheer Kashmiri

hamrah lutf-e-chashm-e-gurezan bhi aaegi

Zaheer Kashmiri

MORE BYZaheer Kashmiri

    hamrāh lutf-e-chashm-e-gurezāñ bhī aa.egī

    vo ā.eñge to gardish-e-daurāñ bhī aa.egī

    niklegī bū-e-zulf hamārī talāsh meñ

    sahrā meñ ab havā-e-gulistāñ bhī aa.egī

    vo jin ko apne tark-e-ta.alluq pe naaz thā

    aaj un ko yaad sohbat-e-yārāñ bhī aa.egī

    ham ḳhud be libās rahe is ḳhayāl se

    vahshat baḌhī to sū-e-garebāñ bhī aa.egī

    tai ho chukā hai sūd-o-ziyāñ mo.āmla

    zaḳhm ā.eñge to lazzat-e-paikāñ bhī aa.egī

    DhūñDhegī sar-barahna hameñ dasht-e-hijr meñ

    ik din junūñ meñ ġhairat-e-jānāñ bhī aa.egī

    ai rah-navard-e-ishq sambhal kar qadam baḌhā

    is rāste meñ zulmat-e-hijrāñ bhī aa.egī

    vo barq jo hudūd-e-nazar se pare rahī

    vo barq ab qarīb-e-rag-e-jāñ bhī aa.egī

    kaT jā.egā ye karb-e-shab-e-ġham bhī ai 'zahīr'

    shub.h-e-nashāt-o-fasl-e-nigārāñ bhī aa.egī

    hamrah lutf-e-chashm-e-gurezan bhi aaegi

    wo aaenge to gardish-e-dauran bhi aaegi

    niklegi bu-e-zulf hamari talash mein

    sahra mein ab hawa-e-gulistan bhi aaegi

    wo jin ko apne tark-e-talluq pe naz tha

    aaj un ko yaad sohbat-e-yaran bhi aaegi

    hum KHud hi be libas rahe is KHayal se

    wahshat baDhi to su-e-gareban bhi aaegi

    tai ho chuka hai sud-o-ziyan ka moamla

    zaKHm aaenge to lazzat-e-paikan bhi aaegi

    DhunDhegi sar-barahna hamein dasht-e-hijr mein

    ek din junun mein ghairat-e-jaanan bhi aaegi

    ai rah-naward-e-ishq sambhal kar qadam baDha

    is raste mein zulmat-e-hijran bhi aaegi

    wo barq jo hudud-e-nazar se pare rahi

    wo barq ab qarib-e-rag-e-jaan bhi aaegi

    kaT jaega ye karb-e-shab-e-gham bhi ai 'zahir'

    shubh-e-nashat-o-fasl-e-nigaran bhi aaegi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY