hamrah mere koi musafir na chala tha

hamrāh mire koī musāfir na chalā thā

dhokā mujhe ḳhud apnī hī aahaT se huā thā

masdūd huī jis kī har ik rāh-e-sarāsar

is saf meñ mujhe lā ke khaḌā kis ne kiyā thā

jumbish hī se hoñToñ kī jo kuchh samjho to samjho

is guñg-mahal meñ to bas itnā hī ravā thā

ta.amīr hue ghar to ga.e jaane kahāñ vo

jin ḳhāna-ba-doshoñ kā yahāñ ḳhema lagā thā

dhundlā.e ḳhad-o-ḳhāl gar us ke to ajab kyā

dekhe hue yuuñ bhī use yug biit gayā thā

shab sho.ala-ba-dāmāñ to sahar soḳhta-sāmāñ

do ruup badaltā thā ajab vo bhī diyā thā

hamrah mere koi musafir na chala tha

dhoka mujhe KHud apni hi aahaT se hua tha

masdud hui jis ki har ek rah-e-sarasar

is saf mein mujhe la ke khaDa kis ne kiya tha

jumbish hi se honTon ki jo kuchh samjho to samjho

is gung-mahal mein to bas itna hi rawa tha

tamir hue ghar to gae jaane kahan wo

jin KHana-ba-doshon ka yahan KHema laga tha

dhundlae KHad-o-KHal gar us ke to ajab kya

dekhe hue yun bhi use yug bit gaya tha

shab shoala-ba-daman to sahar soKHta-saman

do rup badalta tha ajab wo bhi diya tha