hangam-e-hawas-kar mohabbat ke liye hai
hañgām-e-havas-kār mohabbat ke liye hai
hai jo bhī kashākash vo nadāmat ke liye hai
jiinā to alag baat hai marnā bhī yahāñ par
har shaḳhs kī apnī hī zarūrat ke liye hai
milne tujhe aayā huuñ na milne ke liye hī
aamad ye mirī asl meñ ruḳhsat ke liye hai
āḳhir ko yahī kār-garī-e-barf pighal kar
maujoñ ke tavassul se harārat ke liye hai
maiñ haath na aane kā huuñ tere ai zamāne
ya.anī mirā honā tirī hasrat ke liye hai
maiñ niiñd kā dar khole hue huuñ tirī ḳhātir
har ḳhvāb mirā terī sahūlat ke liye hai
vo hai ki nazar aatā nahīñ aur kisī ko
vo hai ki faqat merī basārat ke liye hai
qudarat hī ko manzūr hai kuchh aur vagarna
har lamha-e-ā.inda qayāmat ke liye hai
imkān ne jo shahr basāyā hai vahāñ par
har chashm-e-tamāshā na.ī hairat ke liye hai
hangam-e-hawas-kar mohabbat ke liye hai
hai jo bhi kashakash wo nadamat ke liye hai
jina to alag baat hai marna bhi yahan par
har shaKHs ki apni hi zarurat ke liye hai
milne tujhe aaya hun na milne ke liye hi
aamad ye meri asl mein ruKHsat ke liye hai
aaKHir ko yahi kar-gari-e-barf pighal kar
maujon ke tawassul se hararat ke liye hai
main hath na aane ka hun tere ai zamane
yani mera hona teri hasrat ke liye hai
main nind ka dar khole hue hun teri KHatir
har KHwab mera teri sahulat ke liye hai
wo hai ki nazar aata nahin aur kisi ko
wo hai ki faqat meri basarat ke liye hai
qudarat hi ko manzur hai kuchh aur wagarna
har lamha-e-ainda qayamat ke liye hai
imkan ne jo shahr basaya hai wahan par
har chashm-e-tamasha nai hairat ke liye hai
Source:
namood (Pg. 181)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
