hans kar main zindagi ki aziyyat uThaunga

hañs kar maiñ zindagī kī aziyyat uThā.ūñgā

tere liye sukūn ke lamhe banā.ūñgā

maiñ ne badal liyā hai ravayya havā-e-shab

ab tū diyā bujhā.egī maiñ phir jalā.ūñgā

chal hī paḌegī chāroñ taraf bād-e-nau-bahār

jab maiñ zamīñ pe āḳhirī pattā girā.uñgā

farzī hikāyatoñ pe na aañsū gañvāo tum

yaaro kabhī maiñ apnī kahānī sunā.ūñgā

phailāuñgā maiñ dāman-e-dil tere sāmne

tū sochtā hai maiñ tirā ehsāñ uThā.ūñgā

ik pal meñ ek vāqi.a rakkhūñgā dhyān meñ

aur dūsre hī pal meñ use bhuul jā.ūñgā

'sayyad' ab us kī raah meñ āñkheñ huiiñ safed

jo kah gayā thā tere liye lauT ā.ūñgā

hans kar main zindagi ki aziyyat uThaunga

tere liye sukun ke lamhe banaunga

main ne badal liya hai rawayya hawa-e-shab

ab tu diya bujhaegi main phir jalaunga

chal hi paDegi chaaron taraf baad-e-nau-bahaar

jab main zamin pe aaKHiri patta giraunga

farzi hikayaton pe na aansu ganwao tum

yaro kabhi main apni kahani sunaunga

phailaunga main daman-e-dil tere samne

tu sochta hai main tera ehsan uThaunga

ek pal mein ek waqia rakkhunga dhyan mein

aur dusre hi pal mein use bhul jaunga

'sayyad' ab us ki rah mein aankhen huin safed

jo kah gaya tha tere liye lauT aaunga