hansi gulon mein sitaron mein raushni na mili

hañsī guloñ meñ sitāroñ meñ raushnī na milī

mile na tum to kahīñ bhī hameñ ḳhushī na milī

na chāñd meñ na shafaq meñ na lāla-o-gul meñ

jo aap meñ hai kahīñ bhī vo dilkashī na milī

nigāh lutf kī hai muntazir mirī shab-e-ġham

sitāre Duub chale aur raushnī na milī

hamīñ ko sauñp diye kul jahāñ ke ranj-o-alam

kisī meñ aur hamārī sī dil-dahī na milī

nigāh-e-dost ne baḳhshī jo dil ko mad-hoshī

sharāb-o-jām se ham ko vo be-ḳhudī na milī

har ik nashāt meñ pinhāñ milā nashāt kā ġham

jo aish se ho basar aisī zindagī na milī

mire ḳhayāl meñ haiñ ye tajalliyāñ kis kī

añdherī raat meñ bhī mujh ko tīrgī na milī

vahī fazā vahī gulshan vahī havā hai magar

milī jo gul ko vo ḳhāroñ ko zindagī na milī

gila kareñge na ab mere baa'd ke rahrav

ki un ko rāh-e-mohabbat meñ raushnī na milī

hazār baar huā ḳhūn-e-ārzū lekin

kabhī kisī ko mirī aañkh meñ namī na milī

jo chheḌtī mire betāb dil ke tāroñ ko

kisī bhī saaz meñ darshan vo naġhmagī na milī

hansi gulon mein sitaron mein raushni na mili

mile na tum to kahin bhi hamein KHushi na mili

na chand mein na shafaq mein na lala-o-gul mein

jo aap mein hai kahin bhi wo dilkashi na mili

nigah lutf ki hai muntazir meri shab-e-gham

sitare Dub chale aur raushni na mili

hamin ko saunp diye kul jahan ke ranj-o-alam

kisi mein aur hamari si dil-dahi na mili

nigah-e-dost ne baKHshi jo dil ko mad-hoshi

sharab-o-jam se hum ko wo be-KHudi na mili

har ek nashat mein pinhan mila nashat ka gham

jo aish se ho basar aisi zindagi na mili

mere KHayal mein hain ye tajalliyan kis ki

andheri raat mein bhi mujh ko tirgi na mili

wahi faza wahi gulshan wahi hawa hai magar

mili jo gul ko wo KHaron ko zindagi na mili

gila karenge na ab mere ba'd ke rahraw

ki un ko rah-e-mohabbat mein raushni na mili

hazar bar hua KHun-e-arzu lekin

kabhi kisi ko meri aankh mein nami na mili

jo chheDti mere betab dil ke taron ko

kisi bhi saz mein darshan wo naghmagi na mili