hanste hue huruf mein jis ko ada karun

hañste hue hurūf meñ jis ko adā karūñ

bachchoñ se kis jahāñ kī kahānī kahā karūñ

yā rab azāb-e-harf-o-taḳhaiyyul se de najāt

ġhazleñ kahā karūñ na mazāmīñ likhā karūñ

qadmoñ meñ kis ke Daal duuñ ye naam ye nasab

kuchh to batāo kis kā qasīda paḌhā karūñ

ab tak to apne aap se pīchhā na chhuT sakā

mumkin hai kal se aap ke haq meñ duā karūñ

kitnī na.ī zabān ho kaisā nayā suḳhan

is ahd ko to dekh luuñ 'ġhālib' ko kyā karūñ

'shahpar' mirī hadoñ kā ta.ayyun kare koī

āñkhoñ se bah rahūñ ki ragoñ meñ phirā karūñ

hanste hue huruf mein jis ko ada karun

bachchon se kis jahan ki kahani kaha karun

ya rab azab-e-harf-o-taKHaiyyul se de najat

ghazlen kaha karun na mazamin likha karun

qadmon mein kis ke Dal dun ye nam ye nasab

kuchh to batao kis ka qasida paDha karun

ab tak to apne aap se pichha na chhuT saka

mumkin hai kal se aap ke haq mein dua karun

kitni nai zaban ho kaisa naya suKHan

is ahd ko to dekh lun 'ghaalib' ko kya karun

'shahpar' meri hadon ka tayyun kare koi

aankhon se bah rahun ki ragon mein phira karun