hanut silsile rakkhe hue KHayalon ke

hanūt silsile rakkhe hue ḳhayāloñ ke

ajā.ibāt haiñ dil meñ parī jamāloñ ke

kahīñ ḳhamosh kahīñ gūñjte añdhere haiñ

bujhe charāġh haiñ mātam-kade ujāloñ ke

kahīñ pe aa.ine hairat ke intizār meñ haiñ

kahīñ pe sañg bhī rakkhe haiñ kuchh savāloñ ke

lipaT ke rotī huī chāñdnī chaTānoñ se

ki jin meñ rakkhe hue ḳhvāb haiñ vo jvāloñ ke

ajab haiñ dhuñd ke manzar shajar udaas udaas

kahīñ pe moḌ haiñ milne bichhaḌne vāloñ ke

hanut silsile rakkhe hue KHayalon ke

ajaibaat hain dil mein pari jamalon ke

kahin KHamosh kahin gunjte andhere hain

bujhe charagh hain matam-kade ujalon ke

kahin pe aaine hairat ke intizar mein hain

kahin pe sang bhi rakkhe hain kuchh sawalon ke

lipaT ke roti hui chandni chaTanon se

ki jin mein rakkhe hue KHwab hain wo jwalon ke

ajab hain dhund ke manzar shajar udas udas

kahin pe moD hain milne bichhaDne walon ke