hanuz zindagi-e-talKH ka maza na mila

hanūz zindagī-e-talḳh kā maza na milā

kamāl-e-sabr milā sabr-āzmā na milā

mirī bahār-o-ḳhizāñ jis ke iḳhtiyār meñ hai

mizāj us dil-e-be-iḳhtiyār kā na milā

havā ke dosh pe jaatā hai kārvān-e-nafas

adam kī raah meñ koī piyāda-pā na milā

bas ek nuqta-e-farzī kā naam hai ka.aba

kisī ko markaz-e-tahqīq kā pata na milā

umīd-o-bīm ne maarā mujhe do-rāhe par

kahāñ ke dair-o-haram ghar kā rāsta na milā

ba-juz irāda-parastī ḳhudā ko kyā jaane

vo bad-nasīb jise baḳht-e-nā-rasāna milā

nigāh-e-'yās' se sābit hai sa.i-e-lā-hāsil

ḳhudā kā zikr to kyā banda-e-ḳhudā na milā

hanuz zindagi-e-talKH ka maza na mila

kamal-e-sabr mila sabr-azma na mila

meri bahaar-o-KHizan jis ke iKHtiyar mein hai

mizaj us dil-e-be-iKHtiyar ka na mila

hawa ke dosh pe jata hai karwan-e-nafas

adam ki rah mein koi piyaada-pa na mila

bas ek nuqta-e-farzi ka nam hai kaba

kisi ko markaz-e-tahqiq ka pata na mila

umid-o-bim ne mara mujhe do-rahe par

kahan ke dair-o-haram ghar ka rasta na mila

ba-juz irada-parasti KHuda ko kya jaane

wo bad-nasib jise baKHt-e-na-rasana mila

nigah-e-'yas' se sabit hai sai-e-la-hasil

KHuda ka zikr to kya banda-e-KHuda na mila