haq nahin mujhko shadmani ka

haq nahīñ mujh ko shādmānī kā

shukriya ġham kī mehrbānī kā

aap ke aur hamāre aañsū meñ

farq hai aag aur paanī kā

hai mohabbat kā naam umr-e-abad

zikr hī kyā hayāt-e-fānī kā

ḳhud mire dil ne merī āñkhoñ ko

farz sauñpā hai ḳhūñ-fishānī kā

ahl-e-dil kī kahāniyāñ tauba

ek unvāñ hai har kahānī kā

kyoñ na sargoshiyāñ hoñ mahfil meñ

faiz hai merī be-zabānī kā

tere ġham se sivā ye ġham hai hameñ

jaane kyā ho tirī nishānī kā

sher rūdād-e-dil hai naam nahīñ

sirf alfāz kī ravānī kā

kārvāñ ke ġhubār meñ 'ashraf'

chhup gayā rañg zindagānī kā

haq nahin mujh ko shadmani ka

shukriya gham ki mehrbani ka

aap ke aur hamare aansu mein

farq hai aag aur pani ka

hai mohabbat ka nam umr-e-abad

zikr hi kya hayat-e-fani ka

KHud mere dil ne meri aankhon ko

farz saunpa hai KHun-fishani ka

ahl-e-dil ki kahaniyan tauba

ek unwan hai har kahani ka

kyon na sargoshiyan hon mahfil mein

faiz hai meri be-zabani ka

tere gham se siwa ye gham hai hamein

jaane kya ho teri nishani ka

sher rudad-e-dil hai nam nahin

sirf alfaz ki rawani ka

karwan ke ghubar mein 'ashraf'

chhup gaya rang zindagani ka