haqiqaton ka nai rut ki hai irada kya
haqīqatoñ kā na.ī rut kī hai irāda kyā
kahāniyoñ hī meñ le saañs shāhzāda kyā
ye rañg-zār hai apnā paroñ pe titlī ke
dhanak ho ḳhud meñ to phūloñ se istifāda kyā
mohabbatoñ meñ ye rusvā.iyāñ to hotī haiñ
sharāfateñ tirī kyā merā ḳhānvāda kyā
agar vo pheñk de kashkol apne virse kā
to is jahāñ meñ kare bhī faqīr-zāda kyā
zideñ to shaan huā kartī haiñ ra.īsoñ kī
jo chauthī samt na jaa.e vo shāhzāda kyā
ye mere naqsh ye merī sharāfateñ 'az.har'
ab aur chāhiye is se mujhe ziyāda kyā
haqiqaton ka nai rut ki hai irada kya
kahaniyon hi mein le sans shahzada kya
ye rang-zar hai apna paron pe titli ke
dhanak ho KHud mein to phulon se istifada kya
mohabbaton mein ye ruswaiyan to hoti hain
sharafaten teri kya mera KHanwada kya
agar wo phenk de kashkol apne wirse ka
to is jahan mein kare bhi faqir-zada kya
ziden to shan hua karti hain raison ki
jo chauthi samt na jae wo shahzada kya
ye mere naqsh ye meri sharafaten 'azhar'
ab aur chahiye is se mujhe ziyaada kya
Source:
Jhunka na-e-mausam kaa (Pg. 16)
- Author: azhar inaayatii
-
- Edition: 2006
- Publisher: islamic wonders bureau
- Year of Publication: 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
