haqiqaton se magar munharif raha na gaya

haqīqatoñ se magar munharif rahā na gayā

so shahr-e-ḳhvāb se apnā bhī āb-o-dāna gayā

harīf-e-zāt ajab the ki umr bhar ḳhud ko

burā samajhte rahe par burā kahā na gayā

jo muntashir huuñ to hairat na kar ki dariyā meñ

bhañvar ke ba.ad kisī lahr meñ bahā na gayā

ajiib lams thā ab ke junūñ ke hāthoñ meñ

qabā-e-rañg meñ ḳhushbū se phir rahā na gayā

havā mizāj tire dar-ba-dar rahe tā umr

kisī bhī dasht kisī shahr meñ basā na gayā

zamīñ se uḌ ke zamīñ tak pahuñch ga.ī āḳhir

sarisht-e-ḳhāk se aflāk meñ rahā na gayā

haqiqaton se magar munharif raha na gaya

so shahr-e-KHwab se apna bhi aab-o-dana gaya

harif-e-zat ajab the ki umr bhar KHud ko

bura samajhte rahe par bura kaha na gaya

jo muntashir hun to hairat na kar ki dariya mein

bhanwar ke baad kisi lahr mein baha na gaya

ajib lams tha ab ke junun ke hathon mein

qaba-e-rang mein KHushbu se phir raha na gaya

hawa mizaj tere dar-ba-dar rahe ta umr

kisi bhi dasht kisi shahr mein basa na gaya

zamin se uD ke zamin tak pahunch gai aaKHir

sarisht-e-KHak se aflak mein raha na gaya