haqiqaton se nazar chura ke KHayal KHwabon mein zinda rahna

haqīqatoñ se nazar churā ke ḳhayāl ḳhvāboñ meñ zinda rahnā

zavāl kī dāstān ban kar faqat kitāboñ meñ zinda rahnā

ḳhud apne hāthoñ se ghar jalā ke fazā.eñ masmūm kar ke saarī

jhulaste din aur taḌaptī rātoñ ke phir azāboñ meñ zinda rahnā

hoñ bāda-o-jām sāmne gar nahīñ salāmat jo dast-o-bāzū

to phir hai taqdīr tishnagī ke inhī sarāboñ meñ zinda rahnā

gire haiñ kaT ke vo par thī jin kī uḌaan apnī fazā se aage

utar ke un ko bulandiyoñ se paḌā ḳharāboñ meñ zinda rahnā

jo apnī marzī kī jam.a tafrīq kar ke dil ko lubhā rahe haiñ

nahīñ ḳhabar ki paḌegā kaise kaḌe hisāboñ meñ zinda rahnā

haqiqaton se nazar chura ke KHayal KHwabon mein zinda rahna

zawal ki dastan ban kar faqat kitabon mein zinda rahna

KHud apne hathon se ghar jala ke fazaen masmum kar ke sari

jhulaste din aur taDapti raaton ke phir azabon mein zinda rahna

hon baada-o-jam samne gar nahin salamat jo dast-o-bazu

to phir hai taqdir tishnagi ke inhi sarabon mein zinda rahna

gire hain kaT ke wo par thi jin ki uDan apni faza se aage

utar ke un ko bulandiyon se paDa KHarabon mein zinda rahna

jo apni marzi ki jama tafriq kar ke dil ko lubha rahe hain

nahin KHabar ki paDega kaise kaDe hisabon mein zinda rahna