har bandhan ko mar ke Thokar aai hai

har bandhan ko maar ke Thokar aa.ī hai

terī ḳhushbū mere andar aa.ī hai

le ke jo ḳhvāboñ kā lashkar aa.ī hai

niiñd vo aa.ī hai to dam bhar aa.ī hai

āñkhoñ āñkhoñ manzar manzar aa.ī hai

māyūsī ummīd se baḌh kar aa.ī hai

gulshan gulshan raaz sabā ne khol diyā

ik titlī phir bhes badal kar aa.ī hai

merī har mushkil vo āsāñ kar degī

ek duā jo tere lab par aa.ī hai

shukr hai gūñge bahroñ kī is duniyā meñ

koī to āvāz ubhar kar aa.ī hai

is se ziyāda pyaar bhalā kyā hogā 'zahīn'

us kī aafat bhī mere sar aa.ī hai

har bandhan ko mar ke Thokar aai hai

teri KHushbu mere andar aai hai

le ke jo KHwabon ka lashkar aai hai

nind wo aai hai to dam bhar aai hai

aankhon aankhon manzar manzar aai hai

mayusi ummid se baDh kar aai hai

gulshan gulshan raaz saba ne khol diya

ek titli phir bhes badal kar aai hai

meri har mushkil wo aasan kar degi

ek dua jo tere lab par aai hai

shukr hai gunge bahron ki is duniya mein

koi to aawaz ubhar kar aai hai

is se ziyaada pyar bhala kya hoga 'zahin'

us ki aafat bhi mere sar aai hai