har barahman but har ek muslim KHuda le jaega

har barahman but har ik muslim ḳhudā le jā.egā

mere dar se har marīz apnī davā le jā.egā

ḳhud mujhe aanā hai tere paas yā burda tirā

mere paas aa.egā aur mujh ko uThā le jā.egā

maiñ had-e-fāsil tak aa pahuñchā jo shauq-e-vasl meñ

vo had-e-fāsil ko aur aage baḌhā le jā.egā

mujh ko jaane kis taraf se lā rahā hai rāsta

mujh ko jaane kis taraf ye rāsta le jā.egā

apne ghar ke saare darvāze khule rakhtā huuñ maiñ

juz mire is ghar se koī chor kyā le jā.egā

ā.īna-bīnī ke ba.ad 'ākāsh' āñkhoñ ko sambhāl

ek bhī aañsū agar Tapkā bahā le jā.egā

har barahman but har ek muslim KHuda le jaega

mere dar se har mariz apni dawa le jaega

KHud mujhe aana hai tere pas ya burda tera

mere pas aaega aur mujh ko uTha le jaega

main had-e-fasil tak aa pahuncha jo shauq-e-wasl mein

wo had-e-fasil ko aur aage baDha le jaega

mujh ko jaane kis taraf se la raha hai rasta

mujh ko jaane kis taraf ye rasta le jaega

apne ghar ke sare darwaze khule rakhta hun main

juz mere is ghar se koi chor kya le jaega

aaina-bini ke baad 'akash' aankhon ko sambhaal

ek bhi aansu agar Tapka baha le jaega