har-chand dur dur wo husn-o-jamal hai
har-chand duur duur vo husn-o-jamāl hai
ai vus.at-e-nigāh tirā kyā ḳhayāl hai
duniyā-e-āb-o-gil meñ masarrat kī aarzū
aisī hai jaise aap kā paanā muhāl hai
lo sub.h-e-inqalāb kā bhī aasrā gayā
ab kārobār-e-zīst tirā kyā ḳhayāl hai
vīrānī-e-hayāt ko phir tuul dījiye
ye merī zindagī kā muqaddam savāl hai
duniyā ne us ko jaan ke jaanā nahīñ abhī
'hāmid' jo ek shā.ir-e-sad-ḳhasta-hāl hai
har-chand dur dur wo husn-o-jamal hai
ai wusat-e-nigah tera kya KHayal hai
duniya-e-ab-o-gil mein masarrat ki aarzu
aisi hai jaise aap ka pana muhaal hai
lo subh-e-inqalab ka bhi aasra gaya
ab karobar-e-zist tera kya KHayal hai
virani-e-hayat ko phir tul dijiye
ye meri zindagi ka muqaddam sawal hai
duniya ne us ko jaan ke jaana nahin abhi
'hamid' jo ek shair-e-sad-KHasta-haal hai
Source:
Rooh-e-Ghazal,Pachas Sala Intekhab (Pg. 192)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
