har-chand mere haal se wo be-KHabar nahin

Basir Sultan Kazmi

har-chand mere haal se wo be-KHabar nahin

Basir Sultan Kazmi

MORE BYBasir Sultan Kazmi

    har-chand mere haal se vo be-ḳhabar nahīñ

    lekin vo be-kalī jo idhar hai udhar nahīñ

    āvāz-e-raftagāñ mujhe laatī hai is taraf

    ye rāsta agarche mirī rahguzar nahīñ

    chamkī thī ek barq phūloñ ke ās-pās

    phir kyā huā chaman meñ mujhe kuchh ḳhabar nahīñ

    kuchh aur ho na ho chalo apnā dil jale

    itnā bhī apnī aah meñ lekin asar nahīñ

    aatī nahīñ hai in se shanāsā.ī mahak

    ye mere apne shahr ke dīvār-o-dar nahīñ

    'bāsir' jagā diyā hai tumheñ kis ne aadhī raat

    is dasht meñ to nām-o-nishān-e-sahar nahīñ

    har-chand mere haal se wo be-KHabar nahin

    lekin wo be-kali jo idhar hai udhar nahin

    aawaz-e-raftagan mujhe lati hai is taraf

    ye rasta agarche meri rahguzar nahin

    chamki thi ek barq si phulon ke aas-pas

    phir kya hua chaman mein mujhe kuchh KHabar nahin

    kuchh aur ho na ho chalo apna hi dil jale

    itna bhi apni aah mein lekin asar nahin

    aati nahin hai in se shanasai ki mahak

    ye mere apne shahr ke diwar-o-dar nahin

    'basir' jaga diya hai tumhein kis ne aadhi raat

    is dasht mein to nam-o-nishan-e-sahar nahin

    Source :
    • Book : Urdu Gazal ka Magribi Daricha (Pg. 253)
    • Author : Dr. Jawaz Jafri
    • Publication : Kitab Saray, Lahore (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY