har-chand teri yaad junun-KHez bahut hai

Abbas Tabish

har-chand teri yaad junun-KHez bahut hai

Abbas Tabish

MORE BYAbbas Tabish

    har-chand tirī yaad junūñ-ḳhez bahut hai

    maiñ jaag rahā huuñ ki havā tez bahut hai

    kyuuñ kar na mire tan se chhalak jaa.e ḳhamoshī

    paimāna-e-jāñ zabt se labrez bahut hai

    kyā koh-e-girāñ Thahre tirī rāhguzar meñ

    ai husn tirī ek mahmez bahut hai

    ik chāñd kashtī nahīñ Dūbne vaalī

    varna vo samundar to balā-ḳhez bahut hai

    gul-dān se lagte bikhar jaatī hai titlī

    goyā ye rag-e-sañg bhī ḳhūñ-rez bahut hai

    palkoñ pe koī phuul nahīñ hai to ajab kyā

    kahne ko to miTTī mirī zarḳhez bahut hai

    tum ḳhud samajh kar na ise haath lagānā

    vo ḳhaak putlā sahī tez bahut hai

    dharnā hai kahīñ to ye girāñ-bārī-e-ḳhātir

    zaanū jo nahīñ sar ke liye mez bahut hai

    kyā hai jo kaTore ke bhī pairāk nahīñ ham

    jiine ko to ye hīla-e-tabrez bahut hai

    'tābish' jo guzartī nahīñ shaam had se

    socheñ to vahīñ raat sahar-ḳhez bahut hai

    har-chand teri yaad junun-KHez bahut hai

    main jag raha hun ki hawa tez bahut hai

    kyun kar na mere tan se chhalak jae KHamoshi

    paimana-e-jaan zabt se labrez bahut hai

    kya koh-e-giran Thahre teri rahguzar mein

    ai husn teri ek hi mahmez bahut hai

    ek chand ki kashti hi nahin Dubne wali

    warna wo samundar to bala-KHez bahut hai

    gul-dan se lagte hi bikhar jati hai titli

    goya ye rag-e-sang bhi KHun-rez bahut hai

    palkon pe koi phul nahin hai to ajab kya

    kahne ko to miTTi meri zarKHez bahut hai

    tum KHud sa samajh kar na ise hath lagana

    wo KHak ka putla hi sahi tez bahut hai

    dharna hai kahin to ye giran-bari-e-KHatir

    zanu jo nahin sar ke liye mez bahut hai

    kya hai jo kaTore ke bhi pairak nahin hum

    jine ko to ye hila-e-tabrez bahut hai

    'tabish' jo guzarti hi nahin sham ki had se

    sochen to wahin raat sahar-KHez bahut hai

    Source :
    • Book : Ishq Abaab (Pg. 185)
    • Author : Abbas Tabish
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now