har chand unhen ahd faramosh na hoga

har chand unheñ ahd farāmosh na hogā

lekin hameñ us vaqt koī hosh na hogā

dekhoge to aa.egī tumheñ apnī jafā yaad

ḳhāmosh jise pāoge ḳhāmosh na hogā

guzre haiñ vo lamhe ki sadā yaad raheñge

dekhā hai vo aalam ki farāmosh na hogā

ham apnī shikastoñ se haiñ jis tarah baġhal-gīr

yuuñ qabr se bhī koī ham-āġhosh na hogā

pī jaate haiñ zahr-e-ġham-e-hastī ho ki mai ho

ham sā bhī zamāne meñ balā-nosh na hogā

hone ko to duniyā meñ ka.ī parda-nashīñ haiñ

lekin tirī sūrat koī rū-posh na hogā

pāoge na āzād-e-ġham-anjum kisī dil ko

hogā ġham-e-fardā jo ġham-e-dosh na hogā

har chand unhen ahd faramosh na hoga

lekin hamein us waqt koi hosh na hoga

dekhoge to aaegi tumhein apni jafa yaad

KHamosh jise paoge KHamosh na hoga

guzre hain wo lamhe ki sada yaad rahenge

dekha hai wo aalam ki faramosh na hoga

hum apni shikaston se hain jis tarah baghal-gir

yun qabr se bhi koi ham-aghosh na hoga

pi jate hain zahr-e-gham-e-hasti ho ki mai ho

hum sa bhi zamane mein bala-nosh na hoga

hone ko to duniya mein kai parda-nashin hain

lekin teri surat koi ru-posh na hoga

paoge na aazad-e-gham-anjum kisi dil ko

hoga gham-e-farda jo gham-e-dosh na hoga