har dil mein tera sauda har aankh tamannai

har dil meñ tirā saudā har aañkh tamannā.ī

ai zīnat-e-har-mahfil hañgāma-e-tanhā.ī

kā'be meñ jise DhūñDhā but-ḳhāne meñ DhūñDhā thā

mai-ḳhāne aa kar vo tasvīr nazar aa.ī

shoḳhī hai hayā parvar duzdīda nigāheñ haiñ

samjhe na koī us ko andāz-e-shanāsā.ī

ġhunchoñ meñ tabassum thā kaliyāñ bhī chaTak uTThīñ

jab aa.e vo gulshan meñ lete hue añgḌā.ī

maġhrūr na ho kyuuñ kar vo sar har ik ḳhud sar se

hāsil hai tere dar kī jab us ko jabīñ-sā.ī

dhokā tirī aamad kā dhaḌkan pe har ik dil kī

kyā tum ko sunā.ūñ meñ hāl-e-shab-e-tanhā.ī

har dil mein tera sauda har aankh tamannai

ai zinat-e-har-mahfil hangama-e-tanhai

ka'be mein jise DhunDha but-KHane mein DhunDha tha

mai-KHane aa kar wo taswir nazar aai

shoKHi hai haya parwar duzdida nigahen hain

samjhe na koi us ko andaz-e-shanasai

ghunchon mein tabassum tha kaliyan bhi chaTak uTThin

jab aae wo gulshan mein lete hue angDai

maghrur na ho kyun kar wo sar har ek KHud sar se

hasil hai tere dar ki jab us ko jabin-sai

dhoka teri aamad ka dhaDkan pe har ek dil ki

kya tum ko sunaun mein haal-e-shab-e-tanhai