har ek bandish-e-KHud-saKHta bayan se uTha

har ek bandish-e-ḳhud-sāḳhta bayāñ se uThā

takallufāt kā parda bhī darmiyāñ se uThā

faqat ḳhalā hī nahīñ hai sadā lagāte chalo

ki abr-e-bārish-e-naisāñ bhī āsmāñ se uThā

shajar ke saa.e meñ baiThā huuñ maiñ tujhe kyā hai

jo ho sake to mujhe apne āstāñ se uThā

fusūñ-tarāz thī kab chashm-e-nīm-vā itnī

lahū kā fitna magar zeb-e-dāstāñ se uThā

nazar na aa.ī jo rāh-e-mafar to phir maiñ bhī

dhuāñ dhuāñ sā sar-e-bazm-e-dostāñ se uThā

yahāñ kī rasm hai 'sahbā' kasād-bāzārī

ye jins-e-dil hai baḌī be-bahā dukāñ se uThā

har ek bandish-e-KHud-saKHta bayan se uTha

takallufat ka parda bhi darmiyan se uTha

faqat KHala hi nahin hai sada lagate chalo

ki abr-e-barish-e-naisan bhi aasman se uTha

shajar ke sae mein baiTha hun main tujhe kya hai

jo ho sake to mujhe apne aastan se uTha

fusun-taraaz thi kab chashm-e-nim-wa itni

lahu ka fitna magar zeb-e-dastan se uTha

nazar na aai jo rah-e-mafar to phir main bhi

dhuan dhuan sa sar-e-bazm-e-dostan se uTha

yahan ki rasm hai 'sahba' kasad-bazari

ye jins-e-dil hai baDi be-baha dukan se uTha