har ek chehra abhi aashna naya naya hai

har ek chehra abhī āshnā nayā nayā hai

ki shak to lāzmī hai aa.ina nayā nayā hai

tirī razā ke mutābiq hī faisle hoñge

tū sabr kar ki abhī rābta nayā nayā hai

vo ba.ad tark-e-ta.alluq kare hai yaad mujhe

use salīqa nahīñ bevafā nayā nayā hai

vahī masarrat-e-vasl aur vahī azāb-e-firāq

juz ek naam mohabbat meñ kyā nayā nayā hai

paḌī haiñ mez pe bikhrī kisī kī tasvīreñ

nigāh rakhiye ki ghar meñ diyā nayā nayā hai

ab us kā naam chalo e'tibār hī rakh leñ

zabān-e-vasl pe ik aabla nayā nayā hai

jo dā.imī hai zamīn-o-falak ke beach 'āfāq'

hamāre darmiyāñ vo fāsla nayā nayā hai

har ek chehra abhi aashna naya naya hai

ki shak to lazmi hai aaina naya naya hai

teri raza ke mutabiq hi faisle honge

tu sabr kar ki abhi rabta naya naya hai

wo baad tark-e-talluq kare hai yaad mujhe

use saliqa nahin bewafa naya naya hai

wahi masarrat-e-wasl aur wahi azab-e-firaq

juz ek nam mohabbat mein kya naya naya hai

paDi hain mez pe bikhri kisi ki taswiren

nigah rakhiye ki ghar mein diya naya naya hai

ab us ka nam chalo e'tibar hi rakh len

zaban-e-wasl pe ek aabla naya naya hai

jo daimi hai zamin-o-falak ke beach 'afaq'

hamare darmiyan wo fasla naya naya hai