har ek rasta-e-payab se nikalna hai

har ek rasta-e-pāyāb se nikalnā hai

sarāb-e-umr ke har baab se nikalnā hai

sar-e-anāsir-e-kamyāb se nikalnā hai

shumār-e-nādir-o-nāyāb se nikalnā hai

tavīl-tar se kisī ḳhvāb meñ utarne ko

har ek shaḳhs ko is ḳhvāb se nikalnā hai

lahū lahū sar-e-mizhgāñ tulu'a honā hai

kinār-e-ḳhitta-e-pur-āb se nikalnā hai

use bhī parda-e-tahzīb ko girānā hai

mujhe bhī paikar-e-nāyāb se nikalnā hai

sukūn lamha-e-bhārī ne hī ugalnā hai

to chain arsa-e-be-tāb se nikalnā hai

nahīñ hai rahnā use bhī bahār meñ 'tāhir'

mujhe bhī mausam-e-shādāb se nikalnā hai

har ek rasta-e-payab se nikalna hai

sarab-e-umr ke har bab se nikalna hai

sar-e-anasir-e-kamyab se nikalna hai

shumar-e-nadir-o-nayab se nikalna hai

tawil-tar se kisi KHwab mein utarne ko

har ek shaKHs ko is KHwab se nikalna hai

lahu lahu sar-e-mizhgan tulu'a hona hai

kinar-e-KHitta-e-pur-ab se nikalna hai

use bhi parda-e-tahzib ko girana hai

mujhe bhi paikar-e-nayab se nikalna hai

sukun lamha-e-bhaari ne hi ugalna hai

to chain arsa-e-be-tab se nikalna hai

nahin hai rahna use bhi bahaar mein 'tahir'

mujhe bhi mausam-e-shadab se nikalna hai