har ek sans mein kuchh dard dard lagta hai
har ek saañs meñ kuchh dard dard lagtā hai
mirā vajūd hī ab gard gard lagtā hai
tumhāre qurb meñ garmī bahut ġhazab kī thī
havā kā haath magar sard sard lagtā hai
na jaane aa.ī kahāñ se bhikāriyoñ kī ye bhiiḌ
gadāgar aaj mujhe fard fard lagtā hai
usī meñ dekhī thī tasvīr-e-kā.enāt kabhī
vo ā.īna ki jo ab gard gard lagtā hai
vo ek ham the ki samjhā harīf ko bhī halīf
fareb-kār tumheñ fard fard lagtā hai
kisī ke hoñToñ kī surḳhī ko kyā huā hai 'raaj
ġhazal kā chehra bhī kuchh zard zard lagtā hai
har ek sans mein kuchh dard dard lagta hai
mera wajud hi ab gard gard lagta hai
tumhaare qurb mein garmi bahut ghazab ki thi
hawa ka hath magar sard sard lagta hai
na jaane aai kahan se bhikariyon ki ye bhiD
gadagar aaj mujhe fard fard lagta hai
usi mein dekhi thi taswir-e-kaenat kabhi
wo aaina ki jo ab gard gard lagta hai
wo ek hum the ki samjha harif ko bhi halif
fareb-kar tumhein fard fard lagta hai
kisi ke honTon ki surKHi ko kya hua hai 'raj
ghazal ka chehra bhi kuchh zard zard lagta hai
Source:
Shora-e-London (Pg. 91)
- Author: Jauhar Zahiri
-
- Edition: 1985
- Publisher: Books From India (U.K) Ltd. 45, Museum Street,Londan W.C-1
- Year of Publication: 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
