har ek shai ki haqiqat se ba-KHabar dekhun
har ek shai kī haqīqat se bā-ḳhabar dekhūñ
maiñ apnī ḳhaak meñ pinhāñ tujhe bhī gar dekhūñ
ye kyā ki haat baḌhā.ūñ to sañg-reze mileñ
kahīñ to maiñ bhī damakte hue guhar dekhūñ
ho aañkh meñ kisī chehre kā Dūbtā manzar
maiñ pāniyoñ meñ muqayyad kisī kā ghar dekhūñ
tamām umr usī saa.e kī talāsh karūñ
ki jis ko dekhnā chāhūñ to dar-ba-dar dekhūñ
nazar ke sāmne jab ho na koī tere sivā
maiñ terī samt na dekhūñ to phir kidhar dekhūñ
hai aarzū yahī 'āsif' ki rāh-e-zulmat meñ
use bhī apnī tarah maiñ kabhī niDar dekhūñ
har ek shai ki haqiqat se ba-KHabar dekhun
main apni KHak mein pinhan tujhe bhi gar dekhun
ye kya ki hat baDhaun to sang-reze milen
kahin to main bhi damakte hue guhar dekhun
ho aankh mein kisi chehre ka Dubta manzar
main paniyon mein muqayyad kisi ka ghar dekhun
tamam umr usi sae ki talash karun
ki jis ko dekhna chahun to dar-ba-dar dekhun
nazar ke samne jab ho na koi tere siwa
main teri samt na dekhun to phir kidhar dekhun
hai aarzu yahi 'asif' ki rah-e-zulmat mein
use bhi apni tarah main kabhi niDar dekhun
Source:
Funoon(Jadeed Ghazal Number: Volume-002) (Pg. 1087)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
