har ek zarra bar-e-amanat se Dar gaya

har ek zarra bār-e-amānat se Dar gayā

ik maiñ hī thā ki tere muqābil Thahar gayā

har chiiz jal ga.ī thī ba-juz chashm-e-intizār

auroñ ke ghar bujhā ke jo maiñ apne ghar gayā

is daur-e-intishār kā ye bhī hai hādisa

tahzīb zinda rah ga.ī insān mar gayā

vo bhī kabhī thā apne qabīle kā aadmī

kal terī anjuman se jo bā-chashm-e-tar gayā

tum muskurā ke ek taraf ho ga.e magar

ilzām saarā zulf-e-pareshāñ ke sar gayā

ab tak bhī jis ko paane kī 'nayyar' hai aarzū

vo lamha-e-azīz na jaane kidhar gayā

har ek zarra bar-e-amanat se Dar gaya

ek main hi tha ki tere muqabil Thahar gaya

har chiz jal gai thi ba-juz chashm-e-intizar

auron ke ghar bujha ke jo main apne ghar gaya

is daur-e-intishaar ka ye bhi hai hadisa

tahzib zinda rah gai insan mar gaya

wo bhi kabhi tha apne qabile ka aadmi

kal teri anjuman se jo ba-chashm-e-tar gaya

tum muskura ke ek taraf ho gae magar

ilzam sara zulf-e-pareshan ke sar gaya

ab tak bhi jis ko pane ki 'nayyar' hai aarzu

wo lamha-e-aziz na jaane kidhar gaya